copyright

copyright

السلام عليكم ورحمة الله وبركاته

الى متابعين مدونة موقع اي هيرب بالعربي

اشكر اولا كل اللي دعموني وشجعوني لانشاء هذي المدونه. هذي الصفحه راح اخصصها بشكل عام عن المدونة وكل مايخصها.

اولا مدونة موقع اي هيرب بالعربي تسعى لتوضيح وشرح منتجات اي هيرب بالتفصيل بشكل خاص بالمدونه وليس لها علاقة بمدونات اخرى ولا تسمح ايضا بنقل التعب والمجهود وحتى سرقة الافكار البسيطه. هذي كلها مو صدف هذي سرقة ابداعات.  يعني الافكار و الخواطر تصبح مكشوفه احيانا والكل يعرف انها منقوله. ولما اكتب شيء من افكاري وتعبي والقاه بمدونة ثانيه اتضايق كثير. حط نفسك دائما مكان الشخص اللي تسرق منه هل تحب انك تجلس تفكر ساعه بترجمه او تعصر افكارك وتكتبها بالانترنت وبعدين يجي واحد ينسبها لنفسه بسهوله ماتعب نفسه ولاشي؟ هذا شي غير محمود بل مذموم جدا ويدل على ان الانسان اللي يسرق ماعنده ابتكار وابداع خاص فيه. وبالعكس يزيدني ثقه بنفسي اني اعرف اني متميزه لانه هذا الانسان عجبه شغلي ولو ماعجبه ما نقله بموقعه من غير ذكر المصدر.

نصيحه: اذا كنت ترغب بالنقل فاذكر المصدر واذا كان غرضك غير ذلك فانا لا انصحك ان تتابعني حتى لاتفقد ابداعاتك ويعلم الناس انك تنقل  من غيرك واجعل مواضيعك وترجمتك من افكارك الخاصه. ويجب الانتباه الى ان مدونة موقع اي هيرب تبلغ جوجل فورا عن اي سرقة للمحتوى وجوجل يحذفونها بلا تردد بحمدالله ومن خلال تعاملنا السابق معهم.

التاريخ: نقطه غافل عنها الناقلين وهو تاريخ وضع الموضوع هو اللي يبين كل شي ويوضح ان موضوعي هو الاصلي وهو أقدم من موضوع الناقل. لذلك الافضل انك تبتعد عن نقل الافكار خصوصا بما يتعلق بالمواضيع الجديده اللي انزلها من منتجات اي هيرب.

ملاحظة: انا ماتكلم عن الاشخاص العاديين اللي يتبادلون روابط المدونه مع اصدقائهم ويدلونهم على المنتجات اللي بالمدونه هذا شيء عادي ويسعدني جدا انكم تنشرونها بين اصدقائكم. انا اقصد الاشخاص الي  ينسبون تعبي لنفسهم ويوهمون الناس انها فكرتهم والكل يظن انه ينتمي لهم وانهم تعبوا فيه.

تم النشر:)