الأحد، 25 مارس 2018

كريم الكولاجين الامريكي ماسون وماهي تجربتي معه واضراره؟

هلا بنات كيفكم؟ اليوم حبيت انزل تجربتي مع كريم كولاجين ماسون الامريكي واللي اشتهر في فترة وصار من افضل انواع كريمات الكولاجين في اي هيرب وايضا افضل كريم كولاجين امريكي للوجه لنفخ الخدود، طبعا انتم عارفين ان الكريم هذا قديم وانا شخصيا اشتريه من سنة ٢٠١٥ وكان نفسي انزل تجربتي معه من زمان بس مامداني للاسف وقررت اكلمكم عنه اليوم عشان كثيرين نفسهم يعرفون حقيقته وهل هو مفيد للبشرة ويعطيها نضارة ونفخ خدود زي مايقولون عنه ولالا؟ ومين من البنات جربته وفادها؟ وماهي فوائد كريم الكولاجين الأمريكي من Mason؟ وماهي اضراره؟ وهل هو أصلي أو تقليد؟ وهل كريم الكولاجين مضمون انه ينفخ الوجه او الخدود؟  ١ طبعا كريم كولاجين ماسون الامريكي كان يعتبر من افضل كريمات الكولاجين للوجه في انستقرام وغيره وهو من الافضل مبيعا في موقع اي هيرب الامريكي ووصلت تقييمات مجربينه ومشنرينه فوق ١٤٠٠ تقييم حتى الان (يعتبر أفضل كريم كولاجين للوجه في موقع ايهيرب) وكثير يمدحونه لنفخ الخدود وهذا الشي شجعني على تجربته ولدرجة اني نزلته في روتيني اليومي للعناية ببشرتي...بس احب اقولكم ان تجربتي معه كانت مختلفه عن اي تجربة ثانيه لأني اكتشفت في النهايه ان له أضرار مع فوائده. خليكم معي للاخر عشان تعرفون كل القصه من أولها لآخرها:)

تجربتي مع افضل كريم كولاجين ماسون من اي هيرب

Mason Vitamins, Collagen Beauty Cream, Pear Scented, 2 oz (57 g)

تجربتي مع كريم كولاجين ماسون الامريكي لنفخ الخدود من اي هيرب

طبعا اول مااشتريته اخذته هدية لأمي بسبب مشكلة التجاعيد بالوجه ولاحظت تحسن في تخفيف خطوط  التجاعيد ببشرتها بالاضافة الى توحيد اللون.
هالكريم ميزته انه مصنوع من كولاجين نقي 100 % وانه يشد البشرة ويعيد شبابها.
بعد مالقيت امي تمدحه قلت اجربه على يدي عشان اختبره اذا بيسويلي حساسية ولالا.
فعلا حسيت نعومه من اول مره وهالشي حمسني اجربه على وجهي.
خليكم معي للآخر وباقولكم ايش صار معي بس اول شي راح أسرد فوائده اللي لاحظتها وبالاضافة لفوائد اخرى لاحظوها بعض البنات من خلال تجاربهم معه.

ماهي فوائد كريم الكولاجين الامريكي؟

  • كريم الكولاجين الأمريكي يعيد للوجه مرونته وشبابه 2.
  • من خلال تجارب كثير بنات يمدحونه بأنه يؤخر التجاعيد ويعالجها ويخفف من الخطوط الخفيفة ويملئها ويخفيها بعض الشيء بحيث انه يظهرها بمظهر اكثر نعومة.
  • يقولون وحسب مصادر من موقع موضوع ان كريم الكولاجين يعمل على علاج آثار البثور وحب الشباب في الوجه.
  • مناسب للبشرة الجافة بشكل خاص (اكثر من الدهنية) لانه يعطيها ترطيب عميق.
  • مناسب ايضا للبشرة الباهته لانه يعطيها تفتيح واشراقة ونضارة ملحوظة.
  • يخفي الهالات السوداء تحت العيون ويعمل عمل كريم علاج الهالات السوداء.
  • يشد البشرة المتهدله.
فوائد كريم كولاجين ماسون للوجه واضراره وتجربتي معه

ماهي تجربتي مع كريم الكولاجين الامريكي؟

ريحته جميلة ريحة كمثرى طبيعيه كما هو مكتوب بوصفه.
وما انسى اقول لما قرأت مكوناته لقيت من ضمنها مكونات جيده منها فيتامين E + زبدة الشيا + الجلسرين.
طبعا استفدت منه من ناحية نعومة البشرة واعطائها نضارة مو أكثر...يعني ما انصح فيه صاحبات البشرة الشابة ويمكن ينفع للي عندهم تجاعيد واضحه...بس ايضا ما انصح فيه لاضراره للاسف اللي راح اكلمكم عنها بعد شوي...
ايضا ان حجم العلبه صغير يعني ممكن تخلص بسرعه خلال شهر ونص تقريبا.

ماهي طريقة استخدام كريم الكولاجين الامريكي وكيف نضعه على البشرة؟

ضعيه على وجهك ورقبتك بعد غسلها وتجفيفها. والافضل استخدامه قبل النوم ليلا...وهذا الشي حسب رأيي انا والسبب ان هذا الكريم يحتوي على بارابين ومعروف ان البارابين للأسف يحسس البشرة خصوص اذا اتعرضت لأشعة الشمس فالأفضل انكم ماتستخدمونه على بشرتكم في وقت النهار..انتبهوا! وراح اشرحلكم اضراره بعد شوي..خليكم معي للاخر:)

ماهو سعر كريم كولاجين ماسون الامريكي؟ وماهي طريقة شراءه؟

سعر كريم الكولاجين: ٢٠ ريال سعودي
اشتريته من موقع اي هيرب الامريكي, تفضلوا رابط الشراء:


ماهي أضرار كريم الكولاجين الامريكي على البشرة؟

طبعا من اضراره للاسف انه يحتوي بمكوناته على مكون اسمه: methyl paraben وهو مكون من عائلة البارابين وللأسف له اضرار كثيره (من مصدر امريكي موثوق وهذا رابطه اضغطوا هنا وهالمعلومات حصريا لمتابعات مدونة اي هيرب بالعربي) ومن هالاضرار:
  • البارابين يتم امتصاصه في الجلد بسرعه وهو اصلا يستخدم كمادة حافظة بمنتجات التجميل يعني يابنات انتبهوا من المنتجات اللي بها بارابين ودائما اقرأوا المكونات.
  • البارابين يحسس البشرة ويخليها اكثر حساسية لأشعة الشمس فوق البنفسجيه UVB وبذلك يضرر خلايا البشرة  وقد يسبب السرطان ولذلك يفضل عدم التعرض للشمس بعد وضعه. 
  • ايضا اللي ماعجبني فيه انه يحتوي على عطر.
  • مصدره غير معروف يعني ممكن يكون بقري او خنزير وهذي هي المشكله ايضا.


وبس ..مثل ماقلت لكم للاسف وقفت استخدام هالكريم بعد ماعرفت مضاره..واتمنى انكم استفدتم من تجربتي هذي لكريم الكولاجين الامريكي ماسون اللي اشتريته من اي هيرب وحبيت اعطيكم رأيي فيه بكل أمانه
ومثل ماعودتكم اني احذركم من المنتجات الضاره وانصحكم باستخدام المنتجات المفيده والصحيه:) مثل سيروم الكولاجين الرائع لنفخ الخدود وكانت لي تجربة جميلة معه تفضلوا بالاطلاع عليها عن طريق زيارة هذه الصفحة: تجربتي مع سيروم الكولاجين لنفخ الخدود
تحياتي القلبيه للجميع واذا استفدتم من مقالي هذا اسعدوني بمشاركة هالمقال بأحد ازارير التواصل الاجتماعي اللي تحت!