تجربتي مع كونتور ايلف الكريمي الديوي اي هيرب وكيف استخدمته؟

    سلام بنات
    اليوم تجربتنا عن كونتور كريمي جميل من زمان كان نفسي اشتريه وكان له فترة مخلص من موقع اي هيرب الامريكي, شكل البنات كلهم كانوا طايحين فيه:) بس انا اترصدتله وجبته اخيرا :) ولي فترة مشتريته بس قلت اجربه اول قبل ما أنزلكم هوا بالمدونة عشان اعطيكم رأيي بصراحه فيه. واذا كنتم من محبين مكياج الكونتور لاتفوتكم صفحتي هذي، ادخلوا هنا: افضل ادوات للكونتور واللي تكلمت فيها عن افضل ادوات الكونتور والهايلايتر المستخدمة في اي هيرب.


    تجربتي مع كونتور ايلف الكريمي من اي هيرب

    كونتور ايلف الكريمي 4 درجات لون من اي هيرب


    العلبة والمراية ماشاء الله كبيرة يعني ماتوقعت تكون كذا بهذا الجمال لاني جربت بودرة ايلف وكانت مرايتها صغيرة غير مقنعة ابدا.

    بصراحه من خلال تجربتي له ومن اول مرة لاحظت انه يظهر المكياج بشكل طبيعي و ناعم كأني مو مسوية كونتور لأنه كريمي و يثبت بسرعه و مايروح ويختفي زي الكونتور البودرة.


    تجربتي مع كونتور ايلف

    ماهي تجربتي مع كونتور ايلف الكريمي؟


    تجربتي معه رائعه ومن اول مره لاحظت انه حددلي ملامح وجهي و صغرلي منطقة الانف وحدده. وراح اكلمكم عن طريقة استخدامي له تحت ان شاءالله.

    بس بصراحه مثل ماقلتلكم العلبة ابهرتني بحجمها الكبير ماشاء الله وتكفيكم وقت طويل ماتخلص بسرعه لان درجات الكونتور كبيرة.
    انا مشتريتها من فترة طويلة وحتى الآن ماخلصت.

    وحتى المرايا كبيرة على عكس المرايا اللي في بودرة ايلف واللي سويت عليها ريفيو ونزلت تجربتي معها بالمدونة.

    كونتورو هايلايت كريمي

     درجات ألوان كونتور ايلف و كيف نستخدمها لنحت الوجه وتحديده؟

    كثير يسألون ماهي طريقة استخدام درجات الوان الكونتور؟ الطريقة سهله جدا باتباع هذي الخطوات:

    • لون الهايلايتر وهو الدرجة الفاتحة مرة حلو وجميل يعطي اضاءة وانعكاس حلو طبيعي وينفع في المناسبات لانه ثابت مايروح بسرعه ويسمونه ايضا هايلايتر نحت الوجه.

    وطريقة وضعه هي تحت العيون وعلى عضمة الانف بالوسط وبوسط الذقن وعلى وسط الجبين.

    • اما درجات الألوان الغامقة وهي الكونتور فهي على حسب كل وحده وبشرتها وممكن يستخدم تحت عضمة الحاجب لعمل شادو او تظليل على جوانب الانف لتنحيفه او وسط الخدود و على حواف عضمة الوجه لاضفاء تنحيف اكثر او تصغير للوجه الطويل مثلا او ممكن تضعونه قريب من منابت الشعر وعلى حواف الجبين لتصغيره.


    و احسن شي في هذي العلبه انكم ممكن تدمجون الالوان للحصول على الدرجه المطلوبة حسب لون بشرتكم. مثلا انا دمجت الهايلايتر مع الدرجة الغامقة واعطاني درجة جميلة جدا.

    وهذي صورة مكبرة للدرجات كلها:



    درجات الوان كونتور ايلف

    الدرجات سهلة الدمج وثابتة ماتروح بسرعه وبرأيي ان الكونتور الكريمي هو افضل من البودرة لان الوانه قوية وهو عملي ينفع لاي طلعة سواءا عرس او عمل او جامعة.

    من عيوبها: ان درجات الكونتور الغامقة قريبة من بعض.

    انصحكم في هذا الكونتور خصوصا للمبتدئات جدا سهل وجميل و سهل الاستخدام :)

    ممكن تضعونه بعد وضع كريم الاساس لانه اسهل ولا ينمسح بعكس اذا وضعتوه قبل كريم الاساس مابيطلع حلو. و طريقتي اني احط البودرة بعد الكونتور وتطلع النتيجه جدا جميلة واحترافية.

    ما انسى اقولكم ايضا اني استخدمت هذا الكونتور مع اسفنجة ريل تكنيك للنحت وطلعت النتايج احترافية وصورتها لكم بعد استخدامي لها مع هذا الكونتور.

    وللمزيد عن هذي الاسفنجة ادخلوا صفحتي هذي: تجربتي مع اسفنجة ريل تكنيك للنحت.

     السعر جدا رخيص مقارنة بمواقع او محلات ثانيه, اشتريته بـ ٢٢ ريال سعودي.
    والسبب ان موقع اي هيرب الامريكي دايما ينزلون السعر الاصلي.

    هذا كل شي واتمنى عجبتكم تجربتي المتواضعه:)