افضل مرطب شفايف عضوي EOS من اي هيرب وماهي تجربتي معه؟

    افضل مرطب شفايف طبيعي عضوي eos من اي هيرب
    هلا صديقاتي محبات موقع اي هيرب الامريكي:) اليوم تجربتي مع مرطبات شفايف EOS العضوية الامريكية واللي حققت شهره عاليه في مجال ترطيب الشفايف وتنعيمها بشكل طبيعي. معنى اسم الماركة EOS هو Evolution of Smooth (ثورة النعومة) وبجد مرطباتهم اسم على مسمى تعطي البشرة نعومه هائلة مو طبيعيه, وتعتبر من افضل مرطبات الشفايف الطبيعيه في اي هيرب. نسيت كل مرطبات الشفايف حتى مرطب سييرا بيز بعد ماجربت مرطباتهم الرومانسية. كلها تجنن بأنواعها المختلفه واللي يميز مرطباتهم تحديدا هي ريحة الفواكه العضوية اللي تخليكم نفسكم تاكلون المرطب كله:) تجربتي اليوم مع مرطبين اخترتهم من هذي الماركة اللي انشهرت في عالم مكياج الشفايف وهذي المرطبين هم مثل ماتشوفون بالصورة النوع اللي ع اليمين بلمعة الوردي (شير بينك) والنوع الثاني عاليسار بالتوت الاحمر والرمان (Pomegranate Raspberry) واللي اعتبرهم افضل انواع مرطبات الشفايف العضوية اللي يمكنكم شرائها من موقع اي هيرب الامريكي.

    ماهي تجربتي مع افضل مرطبات شفايف عضوية EOS في اي هيرب؟


    تجربتي مع مرطب شفايف eos العضوي الطبيعي
    EOS, Lip Balm, Pomegranate Raspberry, .25 oz (7 g)

    مرطب شفايف الرمان والتوت من اي او اس

    طبعا ابدأ بالنوع اللي على اليسار (بالرمان والتوت الاحمر) لانه مرطبي المفضل وحبيته اكثر من اللي على اليمين لانه طبيعي اكثر منه وطعمه وريحته جذابه جدا وتجنن (ريحة رازبيري توت احمر). كل المرطبين عضويين ومكوناتهم عضوية بس اللي بالتوت هذا جدا رائع (احلى مرطب جربته بحياتي) ويعطي نعومه جميله للشفايف. صار من مفضلاتي ومااقدر استغني عنه بصراحه!
    طعمه حلو يخليني نفسي اكله ولما احطه على شفايفي احس كل شوي نفسي اعض شفايفي من حلاوته لانه حاطين فيه خلاصة سكر ورقة نبتة ستيفيا الطبيعي الخاص بالدايت.

    احسه انه ينعم الشفايف ويزيل التشققات والجفاف اللي بالشفايف ويعالجها بشكل طبيعي خصوصا في فصل الشتاء مع البرد لما تجف الشفايف وتتشقق كثير.

    حلو وبيعجبكم للاستخدام السريع لانه صغير وسهل للحمل في الخارج داخل شنطة اليد.

    طبعا هالمرطب معتمد عضوي USDA وطبيعي 100 بمكوناته.
    والشي الحلو فيه ايضا انه خالي من كل الكيماويات منها البتروليوم اللي يحطونه بمرطبات شفايف كثير وانا احس انه يسود الشفايف بصراحه (انتبهوا منه) وايضا الحمدلله خالي من البارابين والجلوتين.

    نجي الحين لفوائدة ومكوناته اللي لاتقاوم يم يم ;)

    • يحتوي على زبدة الشيا وزيت الجوجوبا العضويين واللي يغذون الشفايف ويعطونهم نعومة فائقة.
    • غني بمضادات الاكسده منها زيت الزيتون + فيتامين E او مثل مايسمونه بالعربي فيتامين هـ.
    • يحتوي على شمع العسل.
    • زيت جوز الهند.
    • خلاصة نبتة ستيفيا وهي سكر دايت يعطي المرطب طعم حلو.
    • زيت بذر الرمان punica granatum.
    • خلاصة ورق التوت الاحمر (raspberry).
    • اللينالول وهو زيت اساسي طبيعي.

    ماهي طريقة استخدام مرطب شفايف EOS؟

    1. افتحي الغطاء بتدويره 2.ارفعيه على فوق 3.ضعيه على شفايفك 4.ابتسمي:)
    طريقة استخدام مرطب شفايف الوردي eos للتنعيم
    EOS, Shimmer Lip Balm Sphere, Sheer Pink, 0.25 oz (7 g)

    كرة مرطب شفايف اللمعة الوردية من eos

    هذا المرطب الوردي على اليمين ايضا رائع في الترطيب وريحته جميله بس مو احلى من مرطب الرمان والتوت.
    ويعطي لمعه وردية للشفايف بس على خفيف جدا يعني ينفع لما تكونون داخل البيت او حابين تطلعون الصباح بمكياج ناعم وخفيف جدا. وممكن تجربونه فوق الروج العادي بس انا بصراحه جربته لوحده وطلع حلو بس مثل ماقلتلكم يعطي الشفايف لون وردي خفيف جدا غير واضح كثير.

    طبعا هذا المرطب مثل مرطب الرمان بالتوت (مختبر طبيا وخالي من البارابين والبتروليوم والجلوتين)
    من مكوناته العضوية والطبيعيه: زيت الزيتون + شمع العسل + زيت جوز الهند + زيت الجوجوبا + زبدة الشيا + الميكا + خلاصة سكر ستيفيا + فيتامين E + زيت الصويا + زيت بذر الخروع + بعض الالوان الغير طبيعية والاضافات اللي يضيفونها للارواج والمكياج بشكل عام مثل polymethylsilsesquioxane و triethoxycaprylylsilane وهم نوعين من انواع السليكون اللي يعطي نعومه للشفايف.
    طبعا مثل ماتلاحظون مكوناته اقل من النوع اللي كلمتكم عنه فوق بالتوت وفيه الوان غير طبيعيه.


    EOS, Lip Balm, Pomegranate Raspberry, .25 oz (7 g)
    سعر مرطب شفايف التوت الاحمر: 14 ريال سعودي
    EOS, Shimmer Lip Balm Sphere, Sheer Pink, 0.25 oz (7 g)
    سعر مرطب الشفايف الوردي شيمر: 21 ريال سعودي

    فيه انواع ونكهات ثانيه لمرطبات EOS واللي عجبني منها ايضا (بس لسى مااشتريته) هو النوع اللي بحليب جوز الهند وتقييمه ايضا عالي في اي هيرب مثل تقييم النوع اللي جربته بالرمان والتوت وهذا رابط النوع اللي بجوز الهند اذا حابين تشترونه اضغطوا هنا


    هذي تجربتي اتمنى انها عجبتكم وانتظروني لمعرفة كل جديد من منتجات اي هيرب الطبيعيه :)