اهلا احبتي كيفكم؟ اكيد اللي متابعين منتجات توني مولي او المكياج الكوري عموما عارفين هذي البودرة (كاتس وينك) او (غمزة القطط او القطة) لانها صارت مشهورة كثير بسبب مكوناتها الطبيعية و فوائدها للبشرة, خصوصا انها من افضل انواع بودرة الوجه اللي مناسبة للبشرة الدهنية اكثر شي ولكني جربتها على بشرتي العاديه وعجبتني كثير بس عيبها الوحيد انه لازم معها فاونديشن (كريم اساس) وانها تنفع لصاحبات البشرة الفاتحه كثير. انا حسيت انها تناسبني في الافراح بس لان الاضاءه قوية في القاعات ويمشي معها اساس افتح من لوني بدرجه مع بودرة فاتحه شوي خصوصا ان بشرتي (مو بيضا بياض الكوريات) بس تميل للون الفاتح اكثر. هذي البودرة المضغوطة من ماركة توني مولي الكورية فيها مكونات طبيعيه عجبتني كثير وراح اكلمهم عنها تحت بصحتي هذي. و تلقون هالبودرة متوفره في موقع اي هيرب وانا اشتريتها منهم ووصلتني بسرعه خلال اسبوع تقريبا. ولاتنسون ان بعض انواع مكياج توني مولي مميز بس بعضه فيه كحول عشان كذا اتجنب اجربه.
يمكن تظنون ان شكلها اللي حطيته لكم اول هو الحقيقي لكن الصورة الاولى كانت وهي مغلفه قبل فتح الغلاف و هذا شكلها الاصلي من دون الغلاف:
سعر البودرة: 25 ريال سعودي
تجربتي مع بودرة كاتس وينك المضغوطة من اي هيرب
Tony Moly, Cat's Wink, Clear Pact, #2 Clear Beige, 0.38 oz
بودرة كاتس وينك الكورية كلير بيج من توني مولي
ماهي تجربتي مع بودرة كاتس وينك الكورية توني مولي؟
طبعا مثل ماتشوفون شكلها كيوت وبنوتية جدا تنفع للبنات المراهقات اكثر شي. حبيت اجربها لان المكياج الكوري مميز دائما عن غيره وانا دايما احب ابحث عن افضل بودرة تناسبني ودايما في بحث مستمر وتعجبني الاشياء الغريبه في المكياج احب اكتشفها واجرب على نفسي لووول.
اول ماحطيتها عجبتني بانها مات مطفيه وخففت لي مظهر بعض المسامات اللي احسها واضحه ببشرتي (تغطيتها حلوة).
من اكثر ماعجبني فيها ايضا انها تعطي نعومة للبشرة.
الشي الوحيد اللي ماعجبني فيها اني لما احطها من دون كريم اساس الاحظ انها افتح من لون بشرتي الاصلي يمكن ب3 درجات بس حسيتها مناسبه مره مع الاساس او الفاونديشن تحطي لوك مات جميل.
ايضا لاحظت انها ماتروح بسرعه مثل بعض البودرات يعني تجلس وقت طويل.
مثل مانتم شايفين بالصورة الاسفنجه اللي تجي معها جدا ناعمه على الوجه:
ماهي فوائد بودرة كاتس وينك الكورية؟
- هذي البودرة تحتوي على ميزة التحكم بالدهون مما يجعلها مناسبة لبشرة المراهقات خصوصا البشرة الدهنية و المختلطه.
- تعطي مات لوك مطفي و تزيل اللمعان في الوجه واي دهون او زيوت زائده في البشرة الدهنية.
- تخفي المسامات الواسعه والواضحه.
- تدوم طويلا على البشرة ماتروح او تتلاشى بسرعه.
- حسب كلام الماركه ان هذي البودرة تحمي البشرة بشكل طبيعي وتعطيها اشراقة ونضارة طبيعيه.
- ريحتها جميلة مثل الزهور الطبيعيه وحسب كلام ماركة توني مولي انها تحتوي على عطر الزهور البيضاء.
- هالبودرة خالية من البارابين و الالوان والمعادن والبينزوفينون benzophenone.
- ومن تجارب بعض البنات لها انهم يمدحونها كثير من ناحية اخفاء اللمعان وتثبيت البي بي كريم.
عجبتني كثير هالبودرة من ناحية تغطيتها و فوائدها بس بصراحه البودرة اللي ناسبتني اكثر هي بودرة ايلف اللي جربتها من قبل وعجبتني خصوصا في الاستخدام اليومي واعتبرها من مفضلاتي وهذا رابط تجربتي معها: تفضلوا هالصفحه: تجربتي مع بودرة ايلف المضغوطه من اي هيرب.
طبعا ممكن تتسائلون وش مكونات هالبودرة؟
اهم مكوناتها الطبيعيه واللي عجبتني كثير واغرتني بصراحه وهي من اسباب شرائي لها:
- juniper tree sprout extract: خلاصة برعم شجرة العرعر: قرأت باحد المواقع ان هذي النبته مفيده للبشرة وتعطيها ديتوكس وتطهير وتجعلها تبدو صحية.
- beech tree sprout extract: خلاصة برعم شجرة الزان: معروف في الحفاظ على مظهر صحي للبشرة.
- aloe vera leaf extract: خلاصة ورق الصبار.
- hollyhock flower extract: خلاصة زهرة الخطمى: جدا مفيده في تنعيم البشرة وترطيبها لساعات طويلة وهذا المصدر.
- broccoli sprout extract: خلاصة برعم البروكلي: طبعا البروكلي غني بفيتامين سي اللي يحمي البشرة من الاضرار والتجاعيد لانه مضاد اكسده قوي.
- canola sprout extract: خلاصة برعم الكانولا: جدا مفيده في تغذية البشرة وترطيبها.
- kale leaf extract: خلاصة ورقة الكيل: يقلل مظهر التجاعيد وينعم البشرة.